9ನೇ ತರಗತಿ ಸಮಾಜ ವಿಜ್ಞಾನ ಅಧ್ಯಾಯ – 31 ಶ್ರಮ ಮತ್ತು ಉದ್ಯೋಗ ನೋಟ್ಸ್‌ | 9th Standard Social Science Shrama Mattu Udyoga Notes

9ನೇ ತರಗತಿ ಸಮಾಜ ವಿಜ್ಞಾನ ಅಧ್ಯಾಯ – 31 ಶ್ರಮ ಮತ್ತು ಉದ್ಯೋಗ ನೋಟ್ಸ್‌, 9th Standard Social Science Shrama Mattu Udyoga Notes Question Answer Guide Extract Mcq Pdf Doewnload in Kannada Medium Karnataka state Syllabus 2026 ಶ್ರಮ ಮತ್ತು ಉದ್ಯೋಗ 9th standard ಶ್ರಮ ಮತ್ತು ಉದ್ಯೋಗ ಪ್ರಶ್ನೋತ್ತರ 9ನೇ ತರಗತಿ ಸಮಾಜ ವಿಜ್ಞಾನ ಪ್ರಶ್ನೋತ್ತರಗಳು ಭಾಗ 2 9th Class shram mattu udyoga question answer Karnataka State Syllabus Class 9 Social Science Economics Chapter 4 Shrama Mattu Udyoga in Kannada

Shrama Mattu Udyoga Notes
  1. ಆಡಂಸ್ಮಿತ್‌ರ ಪ್ರಮುಖ ಗ್ರಂಥ ರಾಷ್ಟ್ರಗಳ ಸಂಪತ್ತು.
  2. ಜೀತಕಾರ್ಮಿಕ ಪದ್ಧತಿ ರದ್ದತಿ ಕಾಯಿದೆ 1976ನೇ ವರ್ಷ ಜಾರಿಮಾಡಲಾಯಿತು.
  3. ಕಾರ್ಮಿಕನ ಸೀಮಾಂತ ಉತ್ಪಾದನೆ ಶೂನ್ಯವಾಗಿದ್ದಾಗ ಅದನ್ನು ಮರೆಮಾಚಿದ ನಿರುದ್ಯೋಗ ಎನ್ನುತ್ತಾರೆ.
  4. ಶ್ರಮ ವಿಭಜನೆ ದಕ್ಷತೆಯನ್ನು ಹೆಚ್ಚಿಸುತ್ತದೆ.
  5. ಬಾಲಕಾರ್ಮಿಕ ಪದ್ಧತಿ ನಿರ್ಮೂಲನೆಯ ಕಾಯಿದೆ ಜಾರಿಗೆ ತಂದ ವರ್ಷ 1986.

6) ಶ್ರಮ ವಿಭಜನೆ ಎಂದರೇನು?

ಉತ್ಪಾದನಾ ಪ್ರಕ್ರಿಯೆಯ ವಿವಿಧ ಭಾಗಗಳನ್ನು ವಿವಿಧ ಕೆಲಸಗಾರರಿಗೆ ಅಥವಾ ಕೆಲಸಗಾರರ ಗುಂಪುಗಳಿಗೆ ಹಂಚುವುದನ್ನು ಶ್ರಮ ವಿಭಜನೆ ಎನ್ನುತ್ತಾರೆ.

7) ಬಾಲಕಾರ್ಮಿಕ ಎಂದರೇನು?

14 ವರ್ಷಗಳ ಒಳಗಿನ ಮಗು ಕೂಲಿಗಾಗಿ ದುಡಿಯುತ್ತಿದ್ದರೆ ಅದನ್ನು ಬಾಲಕಾರ್ಮಿಕ ಎಂದು ಕರೆಯಲಾಗುತ್ತದೆ.

8) ನಿರುದ್ಯೋಗವನ್ನು ವ್ಯಾಖ್ಯಾನಿಸಿ.

ದುಡಿಯುವ ವಯಸ್ಸು, ಸಾಮರ್ಥ್ಯ, ಆಸಕ್ತಿ ಮತ್ತು ಅರ್ಹತೆ ಇದ್ದರೂ ಉದ್ಯೋಗ ದೊರೆಯದ ಪರಿಸ್ಥಿತಿಯನ್ನು ನಿರುದ್ಯೋಗ ಎನ್ನುತ್ತಾರೆ.

9) ಶ್ರಮ ವಿಭಜನೆಯ ಅನುಕೂಲಗಳನ್ನು ವಿವರಿಸಿ.

ಶ್ರಮ ವಿಭಜನೆಯ ಪ್ರಮುಖ ಅನುಕೂಲಗಳು:

  1. ಶ್ರಮದ ದಕ್ಷತೆ: ಇದು ಕಾರ್ಮಿಕರ ದಕ್ಷತೆಯನ್ನು ಹೆಚ್ಚಿಸುತ್ತದೆ.
  2. ಉತ್ಪಾದನೆಯ ಗುಣಮಟ್ಟ: ಉತ್ಪಾದನೆಯ ಪ್ರಮಾಣ ಹೆಚ್ಚುವುದರ ಜೊತೆಗೆ ಸರಕು ಮತ್ತು ಸೇವೆಗಳ ಗುಣಮಟ್ಟವೂ ಹೆಚ್ಚುತ್ತದೆ.
  3. ಲಾಭ: ಉತ್ಪನ್ನದ ಪ್ರಮಾಣ ಮತ್ತು ಗುಣಮಟ್ಟ ಹೆಚ್ಚುವುದರಿಂದ ಹೆಚ್ಚಿನ ಲಾಭ ದೊರೆಯುತ್ತದೆ.
  4. ಸರಾಸರಿ ವೆಚ್ಚ: ಉತ್ಪಾದನೆ ಹೆಚ್ಚಾದಂತೆ ಉತ್ಪಾದಿತ ಸರಕುಗಳ ಸರಾಸರಿ ವೆಚ್ಚ ಕಡಿಮೆಯಾಗುತ್ತದೆ. ಇದರಿಂದ ಗ್ರಾಹಕರು ಕಡಿಮೆ ಬೆಲೆಯಲ್ಲಿ ಸರಕುಗಳನ್ನು ಪಡೆಯುತ್ತಾರೆ.
  5. ಸಂಶೋಧನೆ ಮತ್ತು ಅಭಿವೃದ್ಧಿ: ಶ್ರಮ ವಿಭಜನೆಯು ದೀರ್ಘಾವಧಿಯಲ್ಲಿ ಸಂಶೋಧನೆ ಮತ್ತು ಅಭಿವೃದ್ಧಿಗೆ ಸಹಾಯ ಮಾಡುತ್ತದೆ. ವಿವಿಧ ರೀತಿಯ ನವೀನ ಉತ್ಪನ್ನಗಳ ಉತ್ಪಾದನೆಗೆ ದಾರಿಮಾಡಿಕೊಡುತ್ತದೆ.

10) ಶ್ರಮ ವಿಭಜನೆಯ ಅನಾನುಕೂಲಗಳನ್ನು ಪಟ್ಟಿ ಮಾಡಿ.

  1. ಕೆಲಸದ ಏಕತಾನತೆ.
  2. ಜವಾಬ್ದಾರಿಯ ಕೊರತೆ.
  3. ಹೆಚ್ಚಿನ ಅವಲಂಬನೆ.
  4. ನಿರುದ್ಯೋಗ.
  5. ವರ್ಗ ಕಲಹ.

11) ಉತ್ಪಾದಕ ಮತ್ತು ಪುನರುತ್ಪಾದಕ ಶ್ರಮದ ಅರ್ಥ ತಿಳಿಸಿ.

ಉತ್ಪಾದಕ ಶ್ರಮ: ಯಾವ ಶ್ರಮವು ತೃಪ್ತಿಗುಣವನ್ನು ಸೃಷ್ಟಿಸುತ್ತದೆಯೋ ಅಥವಾ ಆದಾಯವನ್ನು ಗಳಿಸುವಲ್ಲಿ ನಿರತವಾಗಿದೆಯೋ ಅದನ್ನು ಉತ್ಪಾದಕ ಶ್ರಮ ಎನ್ನುತ್ತಾರೆ. ಭೌತಿಕ ಸರಕುಗಳು ಅಥವಾ ಆಸ್ತಿಗಳನ್ನು ನಿರ್ಮಿಸುವ ಶ್ರಮವೂ ಉತ್ಪಾದಕ ಶ್ರಮವಾಗಿದೆ.

ಪುನರುತ್ಪಾದಕ ಶ್ರಮ: ಮನೆಯಲ್ಲಿ ನಿರ್ವಹಿಸುವ ಶ್ರಮವನ್ನು ಪುನರುತ್ಪಾದಕ ಶ್ರಮ ಎನ್ನುತ್ತಾರೆ. ಇದನ್ನು ಸಾಂಸಾರಿಕ ಶ್ರಮ ಎಂದೂ ಕರೆಯುತ್ತಾರೆ. ಮಕ್ಕಳಿಗೆ ಜನ್ಮ ನೀಡುವುದು ಮತ್ತು ಪಾಲನೆ ಮಾಡುವುದು, ಸ್ವಚ್ಛತೆಯನ್ನು ಕಾಪಾಡುವುದು ಹಾಗೂ ಅಡುಗೆ ಮಾಡುವುದು ಇದರ ಉದಾಹರಣೆಗಳಾಗಿವೆ.

12) ನಿರುದ್ಯೋಗದ ವಿಧಗಳನ್ನು ಪಟ್ಟಿ ಮಾಡಿ.

ನಿರುದ್ಯೋಗದ ಪ್ರಮುಖ ವಿಧಗಳು:

  1. ಗ್ರಾಮೀಣ ನಿರುದ್ಯೋಗ
    • ಮರೆಮಾಚಿದ ನಿರುದ್ಯೋಗ
    • ಋತುಮಾನದ ನಿರುದ್ಯೋಗ
  2. ನಗರ ನಿರುದ್ಯೋಗ
    • ಕೈಗಾರಿಕಾ ನಿರುದ್ಯೋಗ
    • ವಿದ್ಯಾವಂತ ನಿರುದ್ಯೋಗ

13) ಮರೆಮಾಚಿದ ನಿರುದ್ಯೋಗ ಮತ್ತು ಋತುಮಾನದ ನಿರುದ್ಯೋಗದ ವ್ಯತ್ಯಾಸಗಳನ್ನು ಗುರುತಿಸಿ.

ಮರೆಮಾಚಿದ ನಿರುದ್ಯೋಗಋತುಮಾನದ ನಿರುದ್ಯೋಗ
ಅಗತ್ಯಕ್ಕಿಂತ ಹೆಚ್ಚಿನ ಮಾನವಶಕ್ತಿಯು ಕೆಲಸದಲ್ಲಿ ತೊಡಗಿರುವ ಪರಿಸ್ಥಿತಿ.ಕೆಲವು ಉದ್ಯೋಗಗಳು ನಿರ್ದಿಷ್ಟ ಋತುವಿನಲ್ಲಿ ಮಾತ್ರ ಕೆಲಸ ನೀಡುವ ಪರಿಸ್ಥಿತಿ.
ಹೆಚ್ಚುವರಿ ಕೆಲಸಗಾರರನ್ನು ತೆಗೆದುಹಾಕಿದರೂ ಒಟ್ಟು ಉತ್ಪಾದನೆಯಲ್ಲಿ ಯಾವುದೇ ಬದಲಾವಣೆ ಆಗುವುದಿಲ್ಲ.ನಿರ್ದಿಷ್ಟ ಋತುವಿನಲ್ಲಿ ಮಾತ್ರ ಉದ್ಯೋಗ ದೊರೆಯುತ್ತದೆ; ಉಳಿದ ಋತುಗಳಲ್ಲಿ ಕೆಲಸಗಾರರು ನಿರುದ್ಯೋಗಿಗಳಾಗಿರುತ್ತಾರೆ.
ಇದನ್ನು ಶ್ರಮದ ಅರೆಉದ್ಯೋಗ ಎಂದೂ ಕರೆಯುತ್ತಾರೆ.ಕೃಷಿ ಮತ್ತು ಕೆಲವು ಕೈಗಾರಿಕೆಗಳಲ್ಲಿ ಕಂಡುಬರುತ್ತದೆ.
ಉದಾಹರಣೆ: ನಾಲ್ಕು ಜನರು ಮಾಡುವ ಕೆಲಸಕ್ಕೆ ಇನ್ನೂ ಇಬ್ಬರನ್ನು ನೇಮಿಸಿದರೂ ಉತ್ಪಾದನೆ ಹೆಚ್ಚಾಗದಿರುವುದು.ಉದಾಹರಣೆ: ಕೃಷಿ ಚಟುವಟಿಕೆಗಳಲ್ಲಿ ನಿರ್ದಿಷ್ಟ ಋತುವಿನಲ್ಲಿ ಮಾತ್ರ ಉದ್ಯೋಗ ದೊರೆಯುವುದು.

14) ಕೈಗಾರಿಕಾ ನಿರುದ್ಯೋಗವು ವಿದ್ಯಾವಂತ ನಿರುದ್ಯೋಗಕ್ಕಿಂತ ಹೇಗೆ ಭಿನ್ನವಾಗಿದೆ?

ಕೈಗಾರಿಕಾ ನಿರುದ್ಯೋಗವಿದ್ಯಾವಂತ ನಿರುದ್ಯೋಗ
ಕೈಗಾರಿಕಾ ವಲಯದಲ್ಲಿನ ಬದಲಾವಣೆಗಳಿಂದ ವ್ಯಕ್ತಿಯು ನಿರ್ದಿಷ್ಟ ಅವಧಿಯಲ್ಲಿ ನಿರುದ್ಯೋಗಿಯಾದರೆ ಅದನ್ನು ಕೈಗಾರಿಕಾ ನಿರುದ್ಯೋಗ ಎನ್ನುತ್ತಾರೆ.ವಿದ್ಯಾವಂತರು ಕೆಲಸ ಮಾಡುವ ಇಚ್ಛೆ ಹೊಂದಿದ್ದರೂ ಉದ್ಯೋಗ ಪಡೆಯಲು ಸಾಧ್ಯವಾಗದ ಸ್ಥಿತಿಯನ್ನು ವಿದ್ಯಾವಂತ ನಿರುದ್ಯೋಗ ಎನ್ನುತ್ತಾರೆ.
ಕೈಗಾರಿಕಾ ವಲಯದಲ್ಲಿನ ಬದಲಾವಣೆಗಳು ಇದಕ್ಕೆ ಕಾರಣವಾಗುತ್ತವೆ.ವಿದ್ಯಾರ್ಹತೆ ಹೊಂದಿದ್ದರೂ ಸೂಕ್ತ ಉದ್ಯೋಗ ದೊರೆಯದಿರುವುದು ಇದಕ್ಕೆ ಕಾರಣವಾಗಿದೆ.
ಉದಾಹರಣೆ: ಉದ್ಯೋಗಕ್ಕಾಗಿ ನಗರಗಳಿಗೆ ವಲಸೆ ಬಂದ ಗ್ರಾಮೀಣ ಜನರು ತರಬೇತಿ ಮತ್ತು ಕೌಶಲ್ಯಗಳ ಕೊರತೆಯಿಂದ ಉದ್ಯೋಗ ಪಡೆಯಲು ವಿಫಲರಾಗುವುದು.ಉದಾಹರಣೆ: ವಿದ್ಯಾರ್ಹತೆ ಹೊಂದಿರುವ ವ್ಯಕ್ತಿಯು ಉದ್ಯೋಗಕ್ಕಾಗಿ ಕಾಯುತ್ತಿದ್ದರೂ ಕೆಲಸ ದೊರೆಯದಿರುವುದು.

9th Standard All Subject Notes

1 ರಿಂದ 10ನೇ ತರಗತಿ ಪಠ್ಯಪುಸ್ತಕಗಳು Pdf

1 ರಿಂದ 9ನೇ ತರಗತಿ ಕಲಿಕಾ ಚೇತರಿಕೆ Pdf

1 ರಿಂದ 12ನೇ ತರಗತಿ ಕನ್ನಡ ನೋಟ್ಸ್‌ Pdf

All Subjects Notes

All Notes App

ನಮ್ಮ KannadaDeevige.in ವೆಬ್ಸೈಟ್ ಮತ್ತು ಆಪ್ ನಲ್ಲಿ 1ನೇ ತರಗತಿಯಿಂದ 12ನೇ ತರಗತಿಯವರೆಗಿನ ಎಲ್ಲಾ ಪಾಠ ಹಾಗೂ ಪದ್ಯಗಳ ಪಠ್ಯ ಪುಸ್ತಕ, ನೋಟ್ಸ್  ಸಂಪೂರ್ಣ ವಿವರಣೆ ಇದೆ. ಜೊತೆಗೆ ಕನ್ನಡ ವ್ಯಾಕರಣ,ಹಾಗೂ ಪಾಠ ಪದ್ಯಗಳ ಪ್ರಶ್ನೋತ್ತರಗಳ ಕುರಿತಾದ ಮಾಹಿತಿಯೂ ಇದೆ.

ಇನ್ನು ಹೆಚ್ಚಿನ ವಿಷಯಗಳನ್ನು ನೀವು  ತಿಳಿಯಲು ನಮ್ಮ Kannada Deevige ಆಪ್ ಡೌನ್ಲೋಡ್ ಮಾಡಿ. ಹೆಚ್ಚಿನ ಮಾಹಿತಿಯನ್ನು ಕನ್ನಡದಲ್ಲಿ ಪಡೆಯಬಹುದಾಗಿದೆ.

ನೀವು ನಮ್ಮ ಟೆಲಿಗ್ರಾಮ್ ಚಾನೆಲ್ ಗೆ ಜಾಯಿನ್ ಆಗಿ ಪ್ರತಿ ದಿನ ಹೊಸ  ವಿಷಯಗಳನ್ನು ಕಲಿಯಿರಿ

ಟೆಲಿಗ್ರಾಮ್ ಗೆ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ.

KANNADA DEEVIGE APP 

ಕನ್ನಡ ದೀವಿಗೆ.in ಜಾಲತಾಣದಲ್ಲಿ 9ನೇ ತರಗತಿಯ ಪಠ್ಯಪುಸ್ತಕಗಳು ನೋಟ್ಸ್ , ಪ್ರಶ್ನೆ ಉತ್ತರಗಳ ಕುರಿತು ನಿಮಗೆ ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ, ಕೆಳಗೆ ಒಂದು ಕಾಮೆಂಟ್ ಅನ್ನು ಮಾಡಿ ತಿಳಿಸಿ.

Leave a Reply

Your email address will not be published. Required fields are marked *